sham ke sahil pe suraj ka safina aa laga
Dubti aankhon ko ye manzar bahut achchha laga
dard ke patthar sabhi aab-e-rawan mein ghul gae
shor tha kitna magar aankhon ko sannaTa laga
chaar-su phaili hui mauj-e-nafas ki gunj thi
mujh ko pyasi ret ka sahra bhi ek dariya laga
an-ginat sae teri taswir mein Dhalte gae
chandni jagi to har chehra tera chehra laga
Ghazal
Sham ke sahil pe suraj ka safina aa laga
Shamim Hanafi