sarw-o-saman bhi mauj-e-nasim-e-sahar bhi hai
ai gul tere chaman mein koi chashm-e-tar bhi hai
saya hai zindagi pe wo yas-o-umid ka
har shab shab-e-daraaz bhi hai muKHtasar bhi hai
kuchh der pi len kakul-o-ariz ki chhanw mein
jadu-e-sham bhi hai fusun-e-sahar bhi hai
duniya sune to qissa-e-gham hai bahut tawil
han tum suno to qissa-e-gham muKHtasar bhi hai
Ghazal
Sarw-o-saman bhi mauj-e-nasim-e-sahar bhi hai
Moin Ahsan Jazbi