sang hain nawak-e-dushnam hain ruswai hai
ye tere shahar ka andaz-e-pazirai hai
kitna phailega ye ek wasl ka lamha aaKHir
kya sameToge ki ek umr ki tanhai hai
kuchh to yaron se mila sang-e-malamat hi sahi
kis ne is shahar mein yun dad-e-hunar pai hai
ek patthar idhar aaya hai to is soch mein hun
meri is shahr mein kis kis se shanasai hai
'shauq' jis din se charaghan hai KHayalon ki gali
jashn sa jashn hai tanhai si tanhai hai
Ghazal
Sang hain nawak-e-dushnam hain ruswai hai
Razi Akhtar Shauq