sama kar dil mein nazron se nihan hai
mujhe yaad aane wale tu kahan hai
KHudai kahkashan kahti hai jis ko
wo azra ka KHiram-e-raegan hai
andhere baadalon se puchh zahid
meri khoi hui tauba kahan hai
ye kis ne pyar ki nazron se dekha
ki mere dil ki duniya phir jawan hai
jawani raegan jae to achchha
jawani ek KHwab-e-raegan hai
Ghazal
Sama kar dil mein nazron se nihan hai
Akhtar Shirani