sair-e-bazar-e-jahan karte hue hum ko chala
dil ki qimat ka pata phul ki arzani se
kin sitaron ne jaDen pakDen sifal-e-nam mein
shab-gazidon ki samawat mein gul-bani se
qafile misl-e-saba dil se guzar jate hain
kaun milta hai bhari bhiD mein aasani se
ghar ke hote hue hum aise safar-baKHt-nujum
milte aae hain bahut be-sar-o-samani se
Ghazal
Sair-e-bazar-e-jahan karte hue hum ko chala
Nilofar Afzal