sahar ke sath chale raushni ke sath chale
tamam umr kisi ajnabi ke sath chale
hamin ko muD ke na dekha hamin se kuchh na kaha
is ehtiyat se hum zindagi ke sath chale
tumhaare shahr mein anjaan sa musafir tha
tumhaare shahr mein jis aadmi ke sath chale
ghamon ne pyar se jis waqt hath phailae
to sab ko chhoD ke hum kis KHushi ke sath chale
Ghazal
Sahar ke sath chale raushni ke sath chale
Khurshid Ahmad Jami