sada fariyaad ki aae kahin se
wo zalim bad-guman hoga hamin se
KHuda samjhe but-e-sehr-afrin se
gareban ko laDaya aastin se
chaman hai shoala-e-gul se charaghan
bahaar aai nawa-e-atishin se
KHirad hai ab bhi jis ke hal se aajiz
wo nukte hal kiye hum ne yaqin se
salamat wusat-abaad-e-mohabbat
bahut aage hain hum duniya-o-din se
maaz-allah jalal us aastan ka
Tapak paDte hain sajde KHud jabin se
Ghazal
Sada fariyaad ki aae kahin se
Iqbal Suhail