سب دیکھنے والے انہیں غش کھائے ہوئے ہیں

سب دیکھنے والے انہیں غش کھائے ہوئے ہیں
اس پر بھی تعجب ہے وہ شرمائے ہوئے ہیں

اے جان جہاں ہم کو زمانے سے غرض کیا
جب کھو کے زمانے کو تجھے پائے ہوئے ہیں

حیران ہوں کیوں مجھ کو دکھائی نہیں دیتے
سنتا ہوں مری بزم میں وہ آئے ہوئے ہیں

نسبت کی یہ نسبت ہے شرف کا یہ شرف ہے
ترے ہیں اگر ہم ترے ٹھکرائے ہوئے ہیں

ہے دیکھنے والوں کو سنبھلنے کا اشارا
تھوڑی سی نقاب آج وہ سرکائے ہوئے ہیں