saz de ke taron ko chheD to diya tum ne
saz-e-dil ke taron ki baat bhi suni hoti
hum jo shoala-e-jaan ki lau na tez kar dete
aaj gham ki rahon mein kitni tirgi hoti
un se chheD dete hum rang-o-nur ki baaten
dastan-e-shauq apni KHud hi chhiD gai hoti
shikwa-e-karam kyun hai wo agar karam karte
aur bhi mohabbat ki pyas baDh gai hoti
ahl-e-dil wahan se bhi naghma-zan guzar aae
lai jahan mohabbat ki TuT hi gai hoti
Ghazal
Saz de ke taron ko chheD to diya tumne
Fareed Javed