sanson se ye kah do ki Thahar jaen kisi din
is dil pe karam itna to farmaen kisi din
ye dil ki jise raund ke har lamha gaya hai
parcham sa uTha kar ise lahraen kisi din
mumkin hai mere zarf ka taKHmina lagana
is qafila-e-dard ko Thahraen kisi din
is pe bhi giran guzregi ye KHu-e-jafa 'soz'
gar yar bhi apni pe utar aaen kisi din
Ghazal
Sanson se ye kah do ki Thahar jaen kisi din
Kanti Mohan Soz