reza reza tere chehre pe bikharti hui sham
qatra qatra meri palkon pe utarti hui sham
lamha lamha mere hathon se sarakta hua din
aur aaseb-zada dil mein utarti hui sham
subh ka KHwab magar KHwab ajab jaan-lewa
mere pahlu mein sisakti hui marti hui sham
sath sahil pe guzarte hue dekhi thi kabhi
yaad hai ab bhi samundar mein utarti hui sham
main bhi tanha hun to ye sham bhi tanha tanha
yani tanhai mein kuchh aur nikharti hui sham
Ghazal
Reza reza tere chehre pe bikharti hui sham
Zia Zameer