EN हिंदी
رواں ندی کے کنارے سڑک پہ رک جانا | شیح شیری
rawan nadi ke kinare saDak pe ruk jaana

غزل

رواں ندی کے کنارے سڑک پہ رک جانا

انعام کبیر

;

رواں ندی کے کنارے سڑک پہ رک جانا
تم آنسوؤں سے نکلنا پلک پہ رک جانا

وہ بار بار نہیں بولتا ٹھہرنے کو
سو اس کی ایک ذرا سی لچک پہ رک جانا

اے میرے یار ترے پیچھے آ رہا ہوں میں
تو انتظار کی خاطر فلک پہ رک جانا

وہ جس جگہ پہ ملے تھے ہم آخری لمحے
تم اس کی سامنے والی سڑک پہ رک جانا