rawan-dawan hai zindagi charagh ke baghair bhi
hai mere ghar mein raushni charagh ke baghair bhi
the jis ki justuju mein sab harif-e-karwan-e-shab
wo rah hum ne DhunD li charagh ke baghair bhi
mohabbaton ke dip har qadam pe main jalaunga
hai mujh mein zauq-e-agahi charagh ke baghair bhi
wo zindagi jo mashal-e-wafa ki ham-rikab thi
guzar gai hansi-KHushi charagh ke baghair bhi
Ghazal
Rawan-dawan hai zindagi charagh ke baghair bhi
Akhtar Saeedi