rangon ki pahchan nahin kar sakta tha
tujh jaisa insan nahin kar sakta tha
main ne itne kaam kiye hain fursat mein
pura pakistan nahin kar sakta tha
ek faqir ki aah ne wo bhi kar Dala
jo shahi farman nahin kar sakta tha
ashkon se shadab rahin teri aankhen
main jin ko viran nahin kar sakta tha
apna aap bata sakta tha puchhne par
bas KHud ko aasan nahin kar sakta tha
Ghazal
Rangon ki pahchan nahin kar sakta tha
Mohammad Mustahsan Jami