rahta hai har waqt qalaq mein
Thik na hoga tere haq mein
qaem hai surKHi se talluq
un ke daman aur shafaq mein
majmue par nam hai mera
zikr tera har ek waraq mein
ye hain unche uDne wale
panw hawa mein sar KHandaq mein
babu-ji bhi pi lete hain
mil jati hain ghaibi raqmen
haq-daron ki chhuTTi kar do
istighna ke ek sabaq mein
aaj 'muzaffar' ki ghazlon par
KHub nahae log araq mein
Ghazal
Rahta hai har waqt qalaq mein
Muzaffar Hanfi