Raat ke KHwab sunaen kis ko raat ke KHwab suhane the

raat ke KHwab sunaen kis ko raat ke KHwab suhane the
dhundle dhundle chehre the par sab jaane-pahchane the

ziddi wahshi allhaD chanchal miThe log rasile log
honT un ke ghazlon ke misre aankhon mein afsane the

wahshat ka unwan hamari un mein se jo nar bani
dekhenge to log kahenge 'insha'-ji diwane the

ye laDki to in galiyon mein roz hi ghuma karti thi
is se un ko milna tha to is ke lakh bahane the

hum ko sari raat jagaya jalte bujhte taron ne
hum kyun un ke dar par utre kitne aur Thikane the