raat ke gumbad mein yaadon ka basera ho gaya hai
chand ki qindil jalte hi ujala ho gaya hai
KHamushi ki aandhiyan baghi nazar aati hain mujh ko
raat kali hai to sannaTa bhi kala ho gaya hai
ab mohabbat hai murawwat hai na ab inkisari
aaj ke is daur mein har shaKHs nanga ho gaya hai
qissa-e-reg-e-rawan jab aandhiyon ki zad pe aaya
dhund ka hairat-zada aaseb tanha ho gaya hai
Ghazal
Raat ke gumbad mein yaadon ka basera ho gaya hai
P P Srivastava Rind