raste tera sahi sine to be-nur nahin
aankh jo dekh rahi hai hamein manzur nahin
peD pat-jhaD mein lahu rote hain afsurda na ho
shaKH mein nam hai to phir mausam-e-gul dur nahin
mushkilen dil mein nai shamen jala deti hain
gham se bujh jaana to durweshon ka dastur nahin
jaane kya gham tha ki chup oDh ke wo baiTh raha
wo kam-amez to hai yaro pa maghrur nahin
Ghazal
Raste tera sahi sine to be-nur nahin
Zia Jalandhari