rahat o ranj se juda ho kar
baiTh rahiye kahin KHuda ho kar
lauT aaya hai aankh ke dar par
KHwab-e-tabir se riha ho kar
lutf aaya nazar ko jalne mein
chand ke samne diya ho kar
ai mere sher apni tabani
dekh us shoKH se ada ho kar
habs hota gaya KHumar apna
rang uDte gae hawa ho kar
KHema-e-gul lapeT le hamdam
dekh sarsar chali saba ho kar
Ghazal
Rahat o ranj se juda ho kar
Husain Abid