qaza ka waqt ruKHsat ki ghaDi hai
zara Thahro ki ye manzil kaDi hai
jise tum chhoD kar ruKHsat hue the
wo basti aaj tak suni paDi hai
abhi tak dil ke virane mein jaise
tamanna hath phailae khaDi hai
mere dushman bhi ab to aa rahe hain
tumhein kis waqt jaane ki paDi hai
tumhaare dard-mandon ki KHabar le
gham-e-dauran ko aisi kya paDi hai
kisi ki yaad 'saif' aur dil ki haalat
ghana jangal akeli jhonpaDi hai
Ghazal
Qaza ka waqt ruKHsat ki ghaDi hai
Saifuddin Saif