qarar dida-o-dil mein raha nahin hai bahut
nazar-nawaz mere koi gul surin hai bahut
rakha na ho kisi KHwahish ne sar ba-KHun is ko
tumhaara honT kai din se aatishin hai bahut
mila nahin hai mujhe wo magar pata hai mujhe
wo dusron ke liye bhi bacha nahin hai bahut
khula na ek bhi dar sar-kashidgi pe meri
hua hun KHak to daman-kusha zamin hai bahut
rakha hua tha sar-e-taq-e-dil ek aaina
bahut dinon se koi aaina-nashin hai bahut
tumhaara husn hi shoala-faza nahin hai mujhe
mera lahu bhi kai din se aatishin hai bahut
main lahr lahr use jism-o-jaan pe oDhta hun
ghilaf aisa tera lams-e-maKHmalin hai bahut
Ghazal
Qarar dida-o-dil mein raha nahin hai bahut
Syed Kashif Raza