qadam qadam pe hain bikhri haqiqaten kya kya
buzurg chhoD gae hain shahadaten kya kya
main taza-dam bhi hun bechain bhi hawa ki tarah
mere qadam se hain lipTi riwayaten kya
mizaj alag sahi hum donon kyun alag hon ki hain
sarab o aab mein poshida qurbaten kya kya
karam inad KHushi gham asir-e-mayusi
dilon ko deti hai duniya bhi dawaten kya kya
main baz aaya na laDne se haar kar bhi 'fuzail'
mere KHuda ki hain mujh par inayaten kya kya
Ghazal
Qadam qadam pe hain bikhri haqiqaten kya kya
Fuzail Jafri