پرانی شام نئے آنگنوں کو روتی ہے

پرانی شام نئے آنگنوں کو روتی ہے
کہیں چراغ کہیں رت جگوں کو روتی ہے

کہیں یہ حال کہ ہے فاصلہ جواز سفر
کہیں یہ حال تھکن فاصلوں کو روتی ہے

یہ شاخ دل تھی ہرے موسموں کی دل دادہ
سو دشت ہجر میں تازہ رتوں کو روتی ہے

وہ آنکھ جس نے کبھی حیرتیں عطا کی تھیں
وہ آنکھ آج مری وحشتوں کو روتی ہے

یہ کیسا ترک سکونت کا اعتبار اٹھا
سفر میں روح سفر ہجرتوں کو روتی ہے

گزشتہ عمر سے منسوب اک شناسائی
پس ہجوز کھڑی فرصتوں کو روتی ہے

مرا خمیر یہ کس خال ہے اٹھا ہے رضیؔ
کہ میری خاک عجب مسکنوں کو روتی ہے