phul ke laeq faza rakhni hi thi
Dar hawa se tha hawa rakhni hi thi
go mizajan hum juda the KHalq se
sath mein KHalq-e-KHuda rakhni hi thi
yun to dil tha ghar faqat allah ka
but jo pale the to ja rakhni hi thi
tark karni thi har ek rasm-e-jahan
han magar rasm-e-wafa rakhni hi thi
sirf kabe par na thi hujjat tamam
baad-e-kaba karbala rakhni hi thi
Ghazal
Phul ke laeq faza rakhni hi thi
Abdullah Javed