phir meri yaad aa rahi hogi
phir wo dipak bujha rahi hogi
phir mere facebook pe aa kar wo
KHud ko banner bana rahi hogi
apne beTe ka chum kar matha
mujh ko Tika laga rahi hogi
phir usi ne use chhua hoga
phir usi se nibha rahi hogi
jism chadar sa bichh gaya hoga
ruh silwaT haTa rahi hogi
phir se ek raat kaT gai hogi
phir se ek raat aa rahi hogi
Ghazal
Phir meri yaad aa rahi hogi
Kumar Vishwas