phir is ke baad ka koi na ho guzar mujh mein
kabhi to ek pal ai dost yun Thahar mujh mein
jo KHud mein jhankun to sannaTe sansanate hain
koi to kar gaya hai raat yun basar mujh mein
bhaTakta phirta hun sunsan rahguzaron par
basa hua hai kisi yaad ka nagar mujh mein
ajab nahin kai moti bhi tere hath lagen
zara le kaam tu himmat se aur utar mujh mein
main teri zat ka saya hun tere andar hun
meri talash sar-e-rah-guzar na kar mujh mein
Ghazal
Phir is ke baad ka koi na ho guzar mujh mein
Azad Gulati