phaile hue hain shahr mein sae niDhaal se
jaen kahan nikal ke KHayalon ke jal se
mashriq se mera rasta maghrib ki samt tha
us ka safar junub ki jaanib shumal se
kaisa bhi talKH zikr ho kaisi bhi tursh baat
un ki samajh mein aaegi gul ki misal se
chup-chap baiThe rahte hain kuchh bolte nahin
bachche bigaD gae hain bahut dekh-bhaal se
rangon ko bahte dekhiye kamre ke farsh par
kirnon ke war rokiye shishe ki Dhaal se
aankhon mein aansuon ka kahin nam tak nahin
ab jute saf kijiye un ke rumal se
chehra bujha bujha sa pareshan zulf zulf
allah dushmanon ko bachae wabaal se
phir paniyon mein nuqrai sae utar gae
phir raat jagmaga uThi chandi ke thaal se
Ghazal
Phaile hue hain shahr mein sae niDhaal se
Adil Mansuri