parae shahr mein KHushbu talash lete hain
jo ahl-e-dil hain wo urdu talash lete hain
hamein talash hai aise nigah walon ki
jo din ke waqt bhi jugnu talash lete hain
main jaanta hun kuchh aise udas logon ko
jo qahqahon mein bhi aansu talash lete hain
unhen bhi apni taraf khinch lo wafa walon
jo KHun bech ke ghunghru talash lete hain
unhen bhi meri taraf se duaen do 'rizwi'
jo KHwab bote hain bazu talash lete hain
Ghazal
Parae shahr mein KHushbu talash lete hain
Shahbaz Rizwi