pahle sharma ke mar Dala
phir samne aa ke mar Dala
saqi na pilai tune aaKHir
tarsa tarsa ke mar Dala
isa the to marne hi na dete
tum ne to jila ke mar Dala
bimar-e-alam ko tu ne naseh
samjha samjha ke mar Dala
KHanjar kaisa faqat ada se
taDpa taDpa ke mar Dala
yaad-e-gesu ne hijr ki shab
uljha uljha ke mar Dala
furqat mein tere gham-o-alam ne
tanha mujhe pa ke mar Dala
KHanjar na mila to us ne 'bedam'
aankhen dikhla ke mar Dala
Ghazal
Pahle sharma ke mar Dala
Bedam Shah Warsi