pahle se dekhna kahin behtar banaenge
ab apna ek aur muqaddar banaenge
bigDe hue hain zid pe hain kaun un se kya kahe
is waqt baat baat ke daftar banaenge
dekhenge apne dil ke tahammul ki kaifiyat
hum un ko aur chheD ke KHud-sar banaenge
aane to do bahaar ka mausam junun ke din
apne liye hum aap hi nashtar banaenge
bismil chalenge aaj dar-e-yar tak zarur
pazhmurda dil ko tere gul-e-tar banaenge
Ghazal
Pahle se dekhna kahin behtar banaenge
Syed Aminul Hasan Mohani Bismil