nikal ke ghar se phir is tarah ghar gae hum tum
KHud apni rakh uDate bikhar gae hum tum
zamana apni ada-kariyon pe nazan tha
aur apne-ap pe ilzam dhar gae hum tum
use kaho gham-e-taraji-e-chaman ho use
had bahaar o KHizan se guzar gae hum tum
kabhi jahan ke muqabil rahe tan-e-tanha
kabhi KHud apni hi aahaT se Dar gae hum tum
Ghazal
Nikal ke ghar se phir is tarah ghar gae hum tum
Shaheen Gazipuri