nazron se ghubar chhaT gae hain
chehron se naqab ulaT gae hain
furqat ke tawil raste the
yaadon se teri simaT gae hain
jis rah pe paDe hain tere sae
us rah se hum lipaT gae hain
din kaise kaThin the zindagi ke
kya jaaniye kaise kaT gae hain
taqsim hue the kuchh nasibe
kya kahiye kahan pe baT gae hain
ubhre the bhanwar se kuchh safine
kya jaane kahan ulaT gae hain
Ghazal
Nazron se ghubar chhaT gae hain
Sufi Tabassum