nazar mein nit-nai hairaniyan liye phiriye
saron pe rose naya aasman liye phiriye
ab is faza ki kasafat mein kyun izafa ho
ghubar-e-dil hai so dil mein nihan liye phiriye
yahi bacha hai so ab zist ki gawahi mein
yahi nishan-e-dil-e-be-nishan liye phiriye
qarar-e-jaan to sar-e-ku-e-yar chhoD aae
mata-e-zist hai lekin kahan liye phiriye
ajab hunar hai ki danishwari ke paikar mein
kisi ka zehn kisi zaban liye phiriye
Ghazal
Nazar mein nit-nai hairaniyan liye phiriye
Pirzada Qasim