natija kyunkar achchha ho na ho jab tak amal achchha
nahin boya hai tuKHm achchha to kab paoge phal achchha
karo mat aaj-kal hazrat burai ko abhi chhoDo
nahin jo kaam achchha wo na aaj achchha na kal achchha
bure ko tag bhi karne aur tawaqqo nek-nami ki
dimagh apna sanwaro tum nahin hai ye KHalal achchha
jo ho jae KHata koi ki aaKHir aadmi ho tum
to jitna jald mumkin ho karo us ka badal achchha
kare jo panw bad-rahi to sona us ka behtar hai
na ho jis hath se neki to aisa hath shal achchha
Ghazal
Natija kyunkar achchha ho na ho jab tak amal achchha
Ismail Merathi