na toD shishon ko o gul-badan taDaq-paDaq
ye dil-shikan hai sada-e-shikan taDaq-paDaq
ba-rang-e-ghuncha-e-gul chup ho kyun jawab to do
mera suKHan ka hai ye ho suKHan taDaq-paDaq
abhi uThe tera bimar-e-na-tawan ghash se
jo de tu bosa-e-seb-e-zaqan taDaq-paDaq
hazaron shisha-e-dil koh-e-gham pe ai 'tanwir'
mudam toDe hai charKH-e-kuhan taDaq-paDaq
Ghazal
Na toD shishon ko o gul-badan taDaq-paDaq
Tanvir Dehlvi