muTThiyon mein ret bhar li hai bataun kis tarah
raat din aab-e-rawan se munh chhupaun kis tarah
raqs karte hain bagule mere tere darmiyan
ret par dariyaon ka naqsha banaun kis tarah
wo udhar us par ke manzar bulate hain mujhe
raushni ke shahr se pichha chhuDaun kis tarah
yaad sab kuchh hai magar kuchh bhi nazar aata nahin
putliyon mein tere chehre ko chhupaun kis tarah
jab yahan is shahr mein sab kuchh KHizan-asar hai
be-dar-o-diwar ka ek ghar banaun kis tarah
Ghazal
MuTThiyon mein ret bhar li hai bataun kis tarah
Mahtab Haider Naqvi