مشتاق ہیں عشاق تری بانکی ادا کے
زخمی ہیں محباں تری شمشیر جفا کے
ہر پیچ میں چیرے کے ترے لپٹے ہیں عاشق
عالم کے دلاں بند ہیں تجھ بند قبا کے
لرزاں ہے ترے دست اگے پنجۂ خورشید
تجھ حسن اگے مات ملائک ہیں سما کے
تجھ زلف کے حلقے میں ہے دل بے سر و بے پا
ٹک مہر کرو حال اپر بے سر و پا کے
تنہا نہ ولیؔ جگ منیں لکھتا ہے ترے وصف
دفتر لکھے عالم نے تری مدح و ثنا کے
غزل
مشتاق ہیں عشاق تری بانکی ادا کے
ولی محمد ولی