munharif mujh se ek zamana hai
bad-nasibi ka kya Thikana hai
bahki jati hai chashm-e-zahid bhi
har ada teri walehana hai
kyun jabin ab hai mail-e-sajda
kya yahin un ka aastana hai
zarf-e-mai-kash ko taD leti hai
chashm-e-saqi ka kya Thikana hai
waliyan-e-chaman nahin waqif
barq-asa har aashiyana hai
ab to ruswaiyan yaqini hain
un ke lab par mera fasana hai
su-e-kaba chale to ho 'qaisar'
rah mein ek sharab-KHana hai
Ghazal
Munharif mujhse ek zamana hai
Qaisar Nizami