munh kitabi tera bayazi nain
wo jawabi hai e'tiraazi nain
sarw har-chand hai ghulam tera
lekin aazadgi ka raazi nain
sahib-e-haal ko zamane mein
fikr-e-mustaqbil aur mazi nain
dad be-dad tujh sitam sun hai
bas-ki shahr-e-husn mein qazi nain
'mubtala' bagh mein hai shor-o-fughan
gul kun bulbul ki kuchh taqazi nain
Ghazal
Munh kitabi tera bayazi nain
Obaidullah Khan Mubtala