mujhe kisi pe mohabbat ka kuchh guman sa hai
wo be-sabab hi sahi mujh pe mehrban sa hai
yahan pe ab koi mausam nahin udasi ka
ki mera dil bhi mere shahr-e-be-aman sa hai
kahan utar lun teri nazar ki pak kiran
kinara-e-dil-o-jaan tak dhuan dhuan sa hai
ye zud rang hawaon ke mausamon ka nagar
fareb ho ki wafa jo hai na-gahan sa hai
zara ajab zara dilchasp aur zara ghamnak
fasana tere 'shafaq' ka bhi dastan sa hai
Ghazal
Mujhe kisi pe mohabbat ka kuchh guman sa hai
Shafaq Sopori