mohabbat ko kahte ho barti bhi thi
chalo jao baiTho kabhi ki bhi thi
baDe tum hamare KHabar-gir-haal
KHabar bhi hui thi KHabar li bhi thi
saba ne wahan ja ke kya kah diya
meri baat kam-baKHt samjhi bhi thi
gila kyun mere tark-e-taslim ka
kabhi tum ne talwar khinchi bhi thi
dilon mein safai ke jauhar kahan
jo dekha to pani mein miTTi bhi thi
buton ke liye jaan 'muztar' ne di
yahi us ke malik ki marzi bhi thi
Ghazal
Mohabbat ko kahte ho barti bhi thi
Muztar Khairabadi