misal-e-barg kisi shaKH se jhaDe hue hain
isi liye to tere panw mein paDe hue hain
zamin ne uncha uThaya hua hai warna dost
hawa mein ghas ke tinke kahan paDe hue hain
kisi ne meri zamin chhan kar nahin dekhi
wagarna kitne sitare yahan paDe hue hain
yahan saron pe yunhi barf aa paDi warna
baDe bhi umr se apni kahan baDe hue hain
kisi ke hukm se aisa jumud tari hai
zamin rawana hui aur hum khaDe hue hain
Ghazal
Misal-e-barg kisi shaKH se jhaDe hue hain
Afzal Gauhar Rao