mere safar mein hi kyun ye azab aate hain
jidhar bhi jaun udhar hi sarab aate hain
talash hai mujhe ab to unhin fazaon ki
jahan KHizan mein bhi akasr gulab aate hain
kisi ko milta nahin ek charagh milon tak
kisi ki basti mein sau aaftab aate hain
na nikla kijiye raaton ko ghar se aap kabhi
saDak pe raat mein KHana-KHarab aate hain
khula makan hai har ek zindagi 'azar'
hawa ke sath darichon se KHwab aate hain
Ghazal
Mere safar mein hi kyun ye azab aate hain
Balwan Singh Azar