haal-e-dil 'mir' ka ro ro ke sab ai mah suna
shab ko al-qissa ajab qissa-e-jaan-kah suna
na-balad ho ke rah-e-ishq mein pahunchun to kahin
hamra KHizar ko yan kahte hain gumrah suna
koi in tauron se guzre hai tere gham mein meri
gah tu ne na suna haal mera gah suna
KHwab-e-ghaflat mein hain yan sab to abas jaga 'mir'
be-KHabar dekha unhen main jinhen aagah suna
Ghazal
Haal-e-dil mir ka ro ro ke sab ai mah suna
Mir Taqi Mir