meri qismat se qafas ka ya to dar khulta nahin
dar jo khulta hai to band-e-baal-o-par khulta nahin
aah karta hun to aati hai palaT kar ye sada
aashiqon ke waste bab-e-asar khulta nahin
ek hum hain raat bhar karwaT badalte hi kaTi
ek wo hain din chaDhe tak jin ka dar khulta nahin
rafta rafta hi naqab uTThegi ru-e-husn se
wo to wo hai ek dam koi bashar khulta nahin
Ghazal
Meri qismat se qafas ka ya to dar khulta nahin
Sehr Ishqabadi