maut ke chehre pe hai kyun murdani chhai hui
dekhna kaun aa gaya kyun Tal gai aai hui
koi badli to nahin ubhri ufuq par dekhna
phir faza-e-tauba par hai be-dili chhai hui
sikh duniya hi mein zahid hur se milne ke Dhang
warna roega ki jannat mein bhi ruswai hui
KHana-e-dil mein kisi parda-nashin ki aarzu
aarzu kya hai dulhan baiThi hai sharmai hui
ishq hai apni wafaon se bhi sharmaya hua
aql hai apni KHataon par bhi itrai hui
kash is misra ka tum ko pas hota ai 'hafiz'
ye bahaar aai hui aisi ghaTa chhai hui
Ghazal
Maut ke chehre pe hai kyun murdani chhai hui
Hafeez Jalandhari