maut hi chaara-saz-e-furqat hai
ranj marne ka mujh ko rahat hai
ho chuka wasl waqt-e-ruKHsat hai
ai ajal jald aa ki fursat hai
rose ki dad kaun dewega
zulm karna tumhaari aadat hai
karwan umr ka hai raKHt-ba-dosh
har nafs bang-e-kos-e-rehlat hai
sans ek phans si khaTakti hai
dam nikalta nahin musibat hai
tum bhi apne 'haya' ko dekh aao
aaj us ki kuchh aur haalat hai
Ghazal
Maut hi chaara-saz-e-furqat hai
Mirza Rahimuddin Haya