marhale saKHt bahut pesh-e-nazar bhi aae
hum magar tai ye safar shan se kar bhi aae
is safar mein kai aise bhi mile log hamein
jo bulandi pe gae aur utar bhi aae
sirf hone se kahan masala hal hota hai
pas-e-diwar koi hai to nazar bhi aae
dil agar hai to na ho dard se KHali kisi taur
aankh agar hai to kisi baat pe bhar bhi aae
Ghazal
Marhale saKHt bahut pesh-e-nazar bhi aae
Siraj Ajmali