main ye nahin kahta ki mera sar na milega
lekin meri aankhon mein tujhe Dar na milega
sar par to biThane ko hai tayyar zamana
lekin tere rahne ko yahan ghar na milega
jati hai chali jae ye mai-KHane ki raunaq
kam-zarfon ke hathon mein to saghar na milega
duniya ki talab hai to qanaat hi na karna
qatre hi se KHush ho to samundar na milega
Ghazal
Main ye nahin kahta ki mera sar na milega
Waseem Barelvi