main tair-e-wajud ya barg-e-KHayal tha
bas is qadar hai yaad ki main Dal Dal tha
lamhon mein mujh ko banT gaya koi kala hath
warna main aap apna tulu-o-zawal tha
chehre khuli kitabon ki manind the magar
be raushnai likkhe ko paDhna muhaal tha
'muztar' har aaine mein tha aks-e-bahaar bas
main apni aarzu se bahut paemal tha
Ghazal
Main tair-e-wajud ya barg-e-KHayal tha
Farooq muztar